Pagadian City – Nakumpiska sa kapulisan ning syudad ang pipila ka ilimnong makahubog ug hait nga mga butang sulod mismo pampublikong menteryo atol sa pagsa-ulog sa kalag-kalag.
Kini human mihimo’g surprise inspection ang kapulisan kuyog ang mga brgy tanod palibot sa bisiniad sa maong sam-ang.
Nanguna sa pagsuta si Psupt. Benito Ricopuerto diin matud sa hepe istrikto nila nga gipatuman ang seguridad alang sa tanang niduaw ilabina ang pagdili magdala sa armas,kutsilyo,music instruments samtang magdumdom ang katawhan sa ilang mga minatay sa pinakadako nga sam-ang ning syudad.
Nagpasalamat usab ang kapulisan sa mga katawhan nga misanong sa ilang mga mahimangno.
Sa pagmonitor sa kapulisan walay dagkong panghitabo nga nakabalda sa kahusay og kalinaw sa selebrasyon gawas lamang sa nagsumbagay nga mga hubog sulod menteryo.
Ang nagtapun-og nga basura nga gibilin sa mga katawhan nga miduaw sa ilang mga mahal sa kinabuhi maoy problema karun sa mga residente nga duol sa menteryo.
