Nagmalinawon ang pagsaulog sa kapaskuhan sa mga katawhan sa probinsya sa Bukidnon.
Kini ang gikalipay sa pagbutyag ni PMaj. Jisselle Longakit, Information Officer sa Police Provincial Office (PPO)-Bukidnon atol sa interview sa RMN DXMB Malaybalay.
Sumala ni Maj. Longakit nga walay natala nga mga insidente sa pagkabuthan sa pabuto, sunog o bisan unsa mang kriminalidad gikan sa pagsugod sa monitoring adtong Disyembre 24 hangtud karon.
Dugang niya nga dako katabang ang pagdisimenar sa mga impormasyon aron nga mahilikay sa bisan unsa mang insidente.
Gisulti usab ni PMaj. Longakit nga mas gipahugtan nila ilang mga seguridad ilabi na sa ika-53 nga annibersaryo sa New People’s Army (NPA) kagahapon.
Sigon niya nga wala ra usay natala nga mga krimin ug bisan unsang dautang kalihukan batok sa gobyerno.
Mapanghinautan si Longakit nga padayong magmatngon ang katawhan sa pagsunod sa minimum public health standards ug paglikay sa paggamit sa bisan unsa mang gidili panahon sa mga selebrasyon ilabi na nga padangat ang bag-ong tuig.
