General Santos City–Sundon lang sa DEPED Gensan ang kamanduan sa ilang national nga buhatan, kini ang gibutyag ni Gensan School Division Supt. Romilito Flores.
Kini ang pahayag sa opisyal human sa gihimong anunsyo ni Dep-ed Secretary Leonor Briones kagahapong adlawa nga isibog ang pag-abli sa klase karong Oktubre 5, 2020.
Sumala ni SDS Flores mga dako kining pabor alang kanila hilabi na sa mga tunghaan ug mga magtutudlo aron nga mas mapangandaman pa ang pag-abli sa klase karong tuiga dungan na usab sa nasinatiang pandemya sa Covid-19.
Kahinumduman nga atol sa gipahigayong press conference kagahapong adlawa gisulti ni DEPED Secretary Leonor Briones nga kagahapon sa buntag iyang nadawat ang memorandum gikan sa Office of the President diin giaprobahan niini ang rekomendasyon sa ahenysa nga isibog ang pag abli sa klase sa Oktubre 5.
