Gimando ni Mayor Oscar Moreno ang pag-ban sa pag-pasulod dinhi sa Cagayan de Oro sa tanang klase sa Buhi o karning baboy labi na kon kini gikan sa mga dapit sa Luzon nga apiktado sa sakit nga African Swine Fever kon ASF.
Ang mando sa mayor iyang gipagawas human iyang gipirmahan ang usa ka Executive Order mga alas 4 sa hapon kagahapong adlawa.
Gipa ban ni Moreno ang entry sa buhi ug mga karning baboy ning syudad human iyang gitukod kagahapon ang usa ka Task force sa City hall.
Matud sa Mayor nga iyang gitahasan ang Task Force Against ASF nga maghimog mga strategy aron mapugngan ang pagtakboy sa sakit nga ASF sa mga baboy ning syudad.
Apan gisiguro ni Moreno nga dili momahal ang presyo sa karning baboy ning syudad, bisan pa sa iyang Executive Order tungod kay abonda ang supply sa karni sa Cagayan de Oro.
