Gina-discourage sang city government sang Bacolod ang pagsulod sang mga pampasahero nga salakyan sa ciudad sa adlaw sang Domingo subong nga ginapatuman ang General Community Quarantine (GCQ).
Sandig sa Section 9 sang Executive Order 35 nga ginpirmahan ni Mayor Evelio Leonardia, ipatuman ang odd-even scheme sa out-of-town private vehicles sa diin nasaad sa Section 9a, tanan nga plate number/conduction sticker nga nagatapos sa 1,3,5,7 kag 9 ang pahanugutan nga makasulod sa Bacolod kada Lunes, Miyerkules, Biyernes (4AM-10PM only).
Samtang sa Section 9b, tanan nga plate number/conduction sticker nga nagatapos sa 2,4,6,8 kag 0 ang pahanugutan nga makasulod sa Bacolod kada Martes, Huwebes kag Sabado (4AM-10PM only) kag sa Section 9c, ginabawal ang pagsulod sa syudad sang pribado nga salakyan sa adlaw nga Domingo magluwas sa exempted.
Samtang sa pamangkot sang DYHB kay City Legal Officer Joselito Bayatan kun pahanugutan man bala ang pampasahero nga salakyan sa Bacolod partikular na ang Ceres bus sa adlaw sang Domingo, iya ginpahayag nga ila ini gina-discourage bangud nga may Sunday lockdown para sa private vehicles magluwas lamang sa exempted.
Dugang pa ni Bayatan, bangud indi pagpahanugutan ang pagsulod sang pribado nga mga salakyan sa Bacolod kun Domingo, luyag man nila nga wala sang public transport vehicles gikan sa out of-town nga magsulod man sa ciudad kun Domingo.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
