Kini tumong sa panagtigum nga gipahigayon kauban ang mga nagkadaiyang barangay officials sa munisipyo.
Gipahimangnuan ni Mayor Poling Lorenzo ang mga Kapitanes nga mas hugotan pa ang pagpatuman sa pito-pito (7-7) program (Kampanya Kontra Dengue) sa ilang lugar aron mapakgang ang naga taas nga kaso sa dengue sa lungsod sumala sa datos sa Municipal Health Office (MHO).
Giawhag usab ni Sanitary Inspector Victor Garcia nga dasigon ang tanan nga magtinabangay sa pagyabo sa mga sudlanan sa tubig nga pwede maitlogan sa lamok sa kabalayan, sa matag-pito (7) ka adlaw sulod sa pito (7) ka semana.
Pinaagi niini, mapugngan ang pag-pangitlog sa mga lamok, ug wala na’y ma-ospital gumikan sa sakit nga dengue ug luwasnon ang tagsa-tagsa ka mga pamilya.
Kahinumduman gayud nga gisugdan ang maong programa sa Pito-pito kaniadtong Hunyo 2019 segun sa mando ni Mayor Lorenzo, diin nagmalampuson nga maminusan ang kaso sa dengue.
