Sugod sa Agosto 15, 2020, tanang pasahero, drayber, ug kondoktor nga mosakay sa mga pampublikong sakyanan gimanduan nga magsuot ug face shield, gawas pa sa face mask, isip dugang proteksyon batok sa COVID-19.
Kini subay sa Department of Transportation Memorandum Circular (MC) No. 2020-014, ug sa gi-amyendahang Land Transportation Franchising and Regulatory Board (LTFRB) MC 2020-033.
Sa interview sa RMN ngadto kang LTFRB 10 Regional Director Amindon Guro gibutyag niini nga matud sa direktiba DOTr, kinahanglang full face shield ug dili kadtong goggles lang ang isuot sa mga pasahero, aron masiguro nga unsa mang parte sa ilang nawong protektado.
Ang mao nga polisiya ipatuman sa tanang klaro sa pampublikong transportasyon.
Gawas niini gitambagan usab sa LTFRB ang mga pasahero, drayber ug conductor nga magtabi-tabi kung dili kinahanglan sulod sa PUV’s.
Ang kinsa mang mga drivers ug operatos nga nakitaang nakasupak sa mao nga kamanduan pahamtangan ug multa nga 5,000 pesos o kaha pagka-revoke sa prangkisa.
Gi-aghat usab ni Regional Director Guro ang publiko nga isumbong pinaagi sa ilang facebook page ang kinsa mang mosupak sa mao nga kamanduan.
