General Santos City–Walay angayang kabalak-an ang katawhan sa pagtaas sa ihap sa mga nagapositibo sa Covid-19 sa dakbayan.
Kini ang gibutyag ni Gensan City Mayor Ronnel Rivera. Sumala niya nga ang upat nga uwaheng nagpositibo ang gikan sa Locally Stranded Individual ug Repatriated Overseas Filipino ug tanang makitaan ug simtomas ang gilayong ginadala sa covid-19 facility sa Dr. Jorge P. Royeca Hospital.
Sa karon matud pa walay covid patient ang nakaangkon ug severe condition ug kasagaran ang anaa lang sa simpleng ubo, sip-on ug sorethroat.
Dugang pamahayag ni Mayor Rivera nga tanang ROF ug LSI ang gilayong ginabutang sa isolation facility o dili ba kaha ginapa-ilalom sa striktong home quarantine.
Samtang padayon ang ginahimo karon nga pagmonitor sa mga adunay direktang kontak sa naunang 34 anyos nga lalaki nga nagpositibo sa Covid-19 nga niabot niadtong Hunyo 21.
Nasayran nga sa karon anaa na sa lima ang kumpirmadong kaso sa Covid 19 sa Gensan, duha niini ang naka-rekober na.
Uwaheng nagpositibo ang usa ka 24 anyos nga babaye nga usa ka OFW gikan sa Saudi Arabia nga niabot niadtong Hunyo 29 sakay sa BRP Gabriela Silang.(LVR)
