*General Santos City— Gilauman ng daan sa Police Regional Office 12 ang pagtaas sa kaso sa tulis ug uban pang krimen higayon nga hapit na ang kapaskuhan.*
*Sumala kang Police Lt. Col. Lino Capillan, tigpamaba sa Police Regional Office 12 nga sila matud pa sa kapulisan, ilaha na kining napangandaman pinagai sa mga contingency plan ug ilaha ng napakusgan ang ilahang police visibility.*
*Saysay niya nga sa pagsulod pa lang sa bulan sa Setyembre, sayud na silang daan sa mga posiblEng mahitabo rason nga nahatagan na ug direktiba ang tanang unit sa kapulisan.*
*Dugang pamahayag ni Pol. Lt. Col. Capillan nga dili lang sa Gensan Adunay mas gipakusgang police visibility kundili bisan asang parte sa rehiyon, adunay mga stratehiya ang matag presinto aron nga mabantayan ang ilahang mga area of responsibility.*
*Mas daghan matud pang pulis ang takdang ipakatag sa mga pampublikong lugar hilabina sa mga mall ug mga simbahan nga usa sa mga target sa mga kawatan.*
*Nagpahimangno man usab kini ngadto sa katawhan nga likayan ang mga lugar nga pwedeng tambayan sa mga kawatan aron nga dili mabiktima.*
*Samtang gipaklaro ni Pol. Lt. Col. Capillan nga ilahang ginapaningkamutan nga dili mapatay ang kinsa mang tulisan o mga krimenal.*
*Gumikan dili matud pa kini maoy proseso nga ilahang ginapatuman, apan higayon nga mabutang sa alanganin ang kinabuhi sa mga miyembro sa kapulisan, dili matud pa sila magduwa-duwa nga gamiton ang ilahang armas aron nga protektahan ang ilahang mga kaugalingon.*
*Pagpaklaro niya nga sila sa kapulisan ilaha usab ginahatagan ug importansya ang kinabuhi sa mga kriminal o sa mga target sa ilahang operasyon.*
