Gikalipay sa Bukidnon Provincial Police Office kon BPPO ang malinawon nga pagsugat sa bag-ong tuig 2019.
Sa interview sa RMN ngadto kang PSupt. Arce Yam-oc ang hepe sa Bukidnon-PNP Planning and Operations gibutyag niini nga walay natalang firecracker-related injuries ug bisan sa saag nga mga bala.
Una nang gikonsidera ni Police Regional Office 10 Spokesperson Police Supt. Surki Sereñas nga relatively peaceful ang pagtabo sa tuig 2019 sa tibuok rehiyon.
Gitawag ni Sereñas nga relatively peaceful tungod kay sa ilang gihimo nga monitoring adunay tulo ka insidente nga adunay kalambigitan sa pabuto.
Dugang pa niini nga hinoon kung itandi kini sa mga nanglabay nga insidente sa pabuto, mas ubos ang maong ihap sa fire cracker injury.
Giklaro usab ni Supt. Sereñas nga walay nabiktima sa saag nga bala, atol sa pagtabo sa bag-ong tuig kagabei.
