General Santos City – Suportado sa militar ilawom sa 1002nd Brigade, Philippine Army ang pahayag ni Pangulong Rodrigo Duterte nga pagdeklara sa New People’s Army (NPA) nga terorista.
Sa gipagulang pahayag sa 1002nd Brigade, Philippine Army angayan lang nga tawgon ug terorista ang NPA tungod na usab sa ilang hinimuan sama nalang sa extortion activity, paggama ug Bomba, pagsulong sa mga detachment sa militar ug kapulisan ug bisan na ang pagpamatay sa kapulisan ug miyembro sa militar.
Dugang pa nga ang ginahimo sa NPA karon sama sa ginahimo sa mga teroristang grupo sama sa pagpatay ug pagpangharass.
Nasayran nga sa kasamtangan nagpadayon ang paggukod sa militar sa miyembro sa NPA nga anaa sa kabukiran, apan sila abli sa kinsa mang miyembro niini nga buot mubalik sa sabakan sa gobyerno tungod sila sayod nga uban nga mga sundalong manggugubat sa maong grupo biktima ra usab sa sayop nga pasalig sa mga opisyal sa NPA.
