Plano sang Philippine Charity Sweepstakes Office (PCSO) nga ipaagi sa online kag text message ang proseso sa pagtaya sang lotto.
Suno kay Roger Ramirez, Manager sang Project Standard Development Department sang PCSO, tinutuyo sini nga madugangan sang 70% ang kita sang PCSO subong nga 2019 kag para indi na mabudlayan sa pila ang mga nagataya.
Ginhalimbawa ni Ramirez ang tuman ka laba nga pila sa mga lotto outlet sang nagligad nga tuig kon sa diin naglab-ot sa bilyon ang jackpot prize.
Suno kay Ramirez, plano man nila nga i-rehistro ang mga sim card nga pagagamiton sa pagtaya para sa seguridad kag safety measure sa mga menor de edad.
Gin-athag sang PCSO nga plano pa lang ini kag ila pa ginatun-an ang legal kag technical aspect sa paggamit sang cellphone sa pagtaya sa lotto.
(photo from web)
