Gipahayag ni Camp Alagar Regional director, Chief Supt. Timoteo Pacleb, nga iyang gitudlo isip bag-ong City Police Director, ning syudad sa Cagayan de Oro si Senior supt. Nelson Aganon, basi sa gusto ni PNP chief Ronald Bato dela Rosa.
Matud ni Pacleb, nga gusto ni dela Rosa nga hatagan sa ta-as nga katungdanan si Aganon, tungod sa iyang maayong truck record, sa Marawi City, sa dihang gi-ataki kini sa Maute Group, ang bogtong Islamic City sa Mindanao.
Si Pacleb midugang sa pag-ingon, nga si Aganon, ma-oy nagsilbing ground commander sa augmentation force gikan sa Camp Alagar, nga iyang gipadala sa Marawi City, niadtong panahon sa Marawi siege, sa grupong Maute.
Matud ni Pacleb, nga samtang si Aganon, ma-oy bag-ong city Police director sa Cagayan de Oro, siya pa gihapon karon ang Concurrent Commander sa Regional Public Safety Battalion, kon RPSB., dinhi sa Northern Mindanao.
