Matud ni Dr. Michelle Schlosser, tigpamaba sa Davao City COVID-19 Task Force (sa interbyu sa city-owned radio), subay sa ilang panagpulong kauban ang health cluster sa Davao, ilang ginalantaw nga dakong risgo sa takod sa COVID-19 ang pagtugot sa sabong ilabina kung giunsa kini ginapahigayon.
“Medyo high-risk siya na behavior kasi diba sa sabong mag syagit syagit na sila. The droplets are very high po ana nga activity. So, if the COVID-19 Task Force and the health cluster see it very high-risk kind of an activity, there might be a possibility nga dili sa siya i-allow,” sulti ni Schlosser.
Gibutyag ni Schlosser, aduna pay nakalinyada o series of meetings nga himuon aron matuki pag-ayo ang pagtugot sa maong gambling activity.
Gawas sa health experts, apil usab sa diskusyon ang security and safety personnel kung unsa ang sistema niini ugaling kini ipatuman.
Sa pagkakaron, wala pay gipagawas nga Executive Order (EO) ang Local Government Unit (LGU) Davao kabahin niini ug kung ipatuman ba tanang guidelines gikan sa Inter-Agency Task Force (IATF) ilawom sa COVID-19 Alert Level 1.
RadyoMaN Kirby Manzon
