General Santos City- Huwaton na lamang ang mamahimong concurrence sa syudad sa Gensan pinaagi sa Sangguniang Panglungsod kalabot sa gambling operation sa Small Time Lottery ( STL) sa syudad sa Gensan.
Kini ang pamahayag ni Gensan City Mayor Ronnel Rivera sa interbyu sa RMN GENSAN.
Kini human nga gipagawas ni Gensan City Mayor Ronnel Rivera ang kamanduan nga ihunong una ang pag-operate sa STL sa syudad samtang wala pa’y concurrence nga gihatag ang syudad pinaagi sa SP.
Sumala pa sa Mayor, nga una ng nagpadala og suwat ang PCSO aron nga tugtan sila sa ilahang operasyon sa STL apan wala lang nahisgutan sa SP tungod sa akbitidad sa Tuna Festival.
Nanghinaot ang alkalde nga matagaan og prayoridad sa Sanggunian ang may kalabutan sa paghatag og concurrence alang sa operasyon sa STL karong umaabot nga Martes, atol sa regular session sa SP.
Dugang pa niini nga iyaha ng naistorya si Vice Mayor Shirlyn Banas- Nograles nga tagaan og prayoridad nga mahisgutan sa session ang maong pagtugot.
Mihatag usab og reaksyon si Mayor Rivera kalabot sa dili maayong pagtinagdanay nilang ni Gensan City Councilor Atty. Franklin Gacal og OIC City Director Senior Supt. Romeo Ruel Berango kon diin nahagbong sa pagpasaka og kaso ni Gacal batok Berango ngadto sa Ombudsman.
Nanghinaot ang Mayor nga unta ma-plantsa na bangi sa duruha tungod kay dili ikalilong nga apektado usab ang ilahang tagsa-tagsa ka mga trabaho og responsibilidad sa katawhan sa Gensan.
