Gitinguha ni Board member Prexy Elipe ang pagtukod og PATSADA o Provincial Act on Traffic Safety and Development Authority isip solusyon sa problema sa trapiko sa nagkadaiyang lungsod sa lalawigan.
Kini matud pa ang motabang sa pag-regulate ug mo-facilitate sa pagpatuman sa mga traffic rules and regulations sa tanang munisipyo.
Mahimo usab kining tulay sa pagpaabot sa problema sa matag munisipyo ngadto sa nagkadaiyang ahensya sa gobyerno sama sa Land Transportation Franchising and Regulatory Board o LTFRB, Land Transportation Office o LTO ug uban pa.
Dugang pa nga mismong si Gobernador Yevgeny Emano ang manguna sa PATSADA.
Samtang, ang maong sugyot gitugyan na sa komitiba sa energy, infrastructure, public works and public utilities, public safety and police ug pangulohan sa komitiba sa laws, rules, ordinances and legal matters, alang sa dugang pagtuon.
