Dako ang mangin epekto sa paghatag serbisyo medical sa ciudad kon matukod na ang Bacolod City General Hospital. Ini ang pahayag sa DYHB ni Bacolod Lone District Congressman Greg Gasataya matapos nakalusot na sa third and final reading sa House of Representatives ang House Bill 6731 nga nagatukod sang General Hospital sa Bacolod City.
Nagalaom si Gasataya nga sa budget deliberation para sa 2021 sini nga bulan sa Hulyo, mapainan na sang pondo ang amo nga hospital.
Nag-request naman si Cong. Gasataya sa Department of Health (DOH) nga magpatigayon na sang nagakaigo nga mga pagtuon para sa hospital agud nga kun dal-on na sa Senado ang hagna, mangin mahapos na lang ang pagpasar sini, sa diin nakig-angot na ini kay Sen. Bong Go nga amo ang chairman sang Committee on Health sa Senado.
Suno pa sa Kongresista, nag-commit naman ang DOH nga handa sila maghatag sang pondo para sa pagtukod sang hospital kag magabulig sa initial nga operasyon sini basta nga may yara lang sang maga-donate sang duta nga patindugan sini sa Bacolod.
[image: image.png]
