Pagtukod sang Special Drug Education Center and Drug Abuse Prevention Center ginaduso.

Ginaplano nila sa subong suno kay Dr. Rogelio Aturdido Jr., Provincial Health Officer sang South Cotabato ang pagtukod na lang sang Special Drug Education Center and Drug Abuse Prevention Center dire sa probinsya imbes nga magtukod sang Outpatient Rehabilitation Center nga nauna nga ginplano nga ibutang kuntani sa Upper valley Community Hospital.
Suno kay Dr. Aturdido ang rason sa pagkambyo sang plano ang tungod may-yara naman sang gintukod nga Regional Institutional Rehabilitation Center sa bahin sang Alabel, Saranggani Province.
Nahibaluan nga naghatag sang P4.6 million pondo ang Mahintana Foundation para sa pagtukod sang Outpatient Rehabilitation Center.
Sa subong nasubmitir na nila suno kay Dr. Aturdido sa Office of the Governor ang plano kag posible nga ibutang sa compound sang Provincial Engineering Office ang itukod nga Special Drug Education Center and Drug Abuse Prevention Center.