Gisugdan na kagahapon ang pagtupok sa second dose sa Sinovac vaccine alang sa mga health workers sa Northern Mindanao Medical Center o NMMC ang nailang COVID-19 referral hospital sa Region 10.
Matud ni NMMC Liason Officer Dr. Bernard Julius Rocha, nasa 1,514 nga mga personahe sa NMMC ang nabakunahan sa first dose sa Sinovac ug 184 usab sa AstraZeneca niadtong Marso.
Samtang, gibutyag usab ni Acting City Health Officer Dr. Lorraine J. Nery nga nagsugod na usab ang JR Borja General Hospital ug uban pang pribadong ospital sa pagtupok sa second dose para sa mga frontline health workers nga nabakunahan sa first dose sa Sinovac.
Mahinumduman nga nasa kapin siete mil ka mga frontline health workers sa Cagayan de Oro ang nabakunahan sa Sinovac ug AstraZeneca.
