Davao City – Tungod sa pagyaga-yaga sa iyang asawa ug mga kaubanan samtang nag-inom , maoy hinungdang gipusil sa bana niadtong August 30, 2020 sa may Morning Heights, Purok 3A, Brgy. San Isidro, Bunawan District ning syudad sa Davao.
Sa interview sa DXDC RMN Davao, gibutyag sa suspetsado nga si Luciano Ribalde (bana) nga iyang nahimo ang pagpamusil sa grupo sa iyang asawa nga si Melodina Lanada, samtang nag-inom sa panimalay ni Elvin Bacalso tungod sa pagyaga-yaga kaniya.
Wala mihatag sa iyang komento ang suspek sa giingong nagselos siya hinungdang nahimo niya ang krimen.
Gipasakahan na kini’g kasong frustrated murder ug multiple murder sa kapolisan sa Bunawan.
Una niini subay sa inbestigasyon sa kapolisan sa Bunawan, nag-inom ang asawa sa suspek nga si Melodina Lanada sa panimalay ni Elvin Bacalso kauban nila Julito Bacalso, Jean Ribalde ug Elvin Bacalso sa dihang kalit miabot ang suspect ug gilayong namusil sa iyang asawa ug Julito Bacalso nga miresulta sa ilang kamatayon, samtang nasamdan usab sila Jean Ribalde ug Elvin Bacalso nga padayon gitambalan sa Tibungco Hospital, syudad sa Davao.
RadyoMaN Don Pulayao
