Sarangani Province–Gikabutyag ni Sarangani Governor Steve Chongbian Solon nga ang pagpahinumdum sa katawhan kalabutan sa pagtuman sa health protocols sama sa pagsul-ob ug facemask, faceshield ug ang pag obserba sa social distancing ang kinahanglan matud pang ibalik-balik sa katawhan sa pagpahimangno.
Kini tungod dunay higayon nga mapul-an ang tawo ug makalimot na sa pagsunod sa ginapatuman nga health protocols. Tungod niini, giawhag ni Governor Solon ang Sanguniang Panlalawigan sa ubang mga probinsya nga maghimo ug ordinansya sama sa Sarangani aron dunay basehan ang pulis nga mosita ug manakop sa mga wala nagatuman ug mga health protocol.
Gihingusgan usab sa Gobernador nga importante sa katawhan nga nakamask ug nakafeceshield panahon nga mogawas sa panimalay aron maseguro nga dili mataptan sa covid-19 ug labaw sa tanan maprotektahan ang komunidad dili lang ang ilang mga kaugalingon kundili alang usab sa ilang isig kaingon.(RV)
