TALISAY CITY – Ginakabig sang Negros Occidental Provincial Police Office nga high value drug target ang ila nadakpan kag napatay kagab-e sa area sang Purok Tumpok, Barangay 15, syudad sang Talisay.
Pasado alas-7 kagab-e sang nagpatigayon sang buy bust operation ang Talisay PNP sa diin ang ila target amo naman si Rusty Poja Constantino.
Si Rusty ang paka-isa naman ni Rammy Poja, nga isa man ka drug personality sadtu diri sa syudad sang Bacolod.
Suno kay Provincial Police Director – Senior Supt. Romeo Baleros nga may yara sang pending nga warrant of arrest si Constantino sa diin madugay na ini nga gina-surveillance sang kapulisan.
Dugang pa ni Baleros nga si Rusty ang supplier sang illegal nga droga sa pila ka lugar sa Negros Occidental lakip man diri sa syudad sang Bacolod.
