Pakyas ang diyalogo sa militar ug mga bakwit gikan sa Sitio Kamansi, Barangay Banglay, Lagonglong, Misamis Oriental nga gipahigayon niadtong Biyernis sa milabayng semana sa kapitolyo probinsyal.
Kini tungod kay sila Sariza Acosta ug mga kaubang mga bakwit wala gihapon mosugot nga magkampo ang mga sundalo sa 58th Infantry Battalion sa ilang komunidad sa Sitio Kamansi.
Gibutyag sa militar nga nagkampo sila mga dos kilometros gikan sa Sitio Kamansi kay ang maong lugar himoong Eco-tourism sa gobyerno.
Apan matud ni Acosta nga dako silang supak nga himoong eco-tourism ang ilang lugar kay apektado niini nga proyekto ang ilang kultura sa mga lumad.
By: RadyoMaN Nitz Arancon
PC: RadyoMaN Annaliza Amontos-Reyes
Facebook Comments
