Ginpasiguro ni Bureau of Corrections chief (BuCor) Ronald Dela Rosa nga wala snag special treatment kag maga-agi sa normal nga proseso si retired Army Major Gen. Jovito Palparan.
Ini matapos ginpamatbatan nga guilty si Palparan sa kaso nga kidnapping sa pagkidnap sa duha ka estudyante sang University of the Philippines sadtong 2006.
Suno kay dela Rosa, pagadal-on sa New Bilibid Prison (NBP), Reception and Diagnostic Center (RDC) si Palparan kag magapabilin siya didto sang 60 days.
Ang 5 ka adlaw para sa quarantine suno kay dela Rosa sa diin igapaidalum sa medical examination ang anay heneral agud mahibaluan ang iya physical kag mental condition.
Matapos ang 60 ka adlaw, sayluhon naman si Palparan sa iya regular dormitory sa maximum security compound.
Photo from web
