San Pablo, Zamboanga del Sur – Naglusad na og hot pursuit operation ang kapulisan sa lungsod sa San Pablo aron sa posible nga pag-ila ug pagsikop sa mga suspek nga nipusil patay sa usa ka babaye nga negoyante.
Dead on Arrival sa Zamboanga Del Sur Medical Center, ang biktima nga nailang si Norma Apiag , 64 anyos human kining gipusil sa riding in tandem alas 8:45 kagabii sa luyo nga bahin sa San Pablo Municipal gymnasium nga sakop sa Purok Malipayon, Poblacion, San Pablo, Zamboanga del Sur.
Daling nisabat ang mga suspek sakay sa motorsiklo paingon wala matino nga lugar human ang paghimo sa krimen.
Blangko pa ang kapulisan sa motibo sa pagmamusil ug gilawman na ang imbestigasyon aron masilutan ang mga mamumuno nga nitira sa biktima.
Facebook Comments
