Giklaro sa Department of Social Welfare and Development o DSWD ang ilang basehan sa pagpili sa programang Pantawid Pamilyang Pilipino Program o 4P’s lakip na ang pagpatuman niini sa Misamis Oriental.
Kini human sa panawagan ni Sangguniang Panlalawigan Board member Gerardo Sabal III may kalabutan sa mga nadawat niini nga reklamo nga mas naka-binipisyo sa maong programa ang mga dunay kaya kumpara sa mga kabus.
Gipasabot sa representante sa DSWD nga duna silay gibasehan nga mga criteria sama niadtong buros atol sa pag-survey ug nakitang kabus nga pamilya diin duna pay mga anak nga nagtungha.
Human niini, himoon sa Regional Office ang pag-validate sa mga pasadong binipisyaryo. sa datus nga gihuptan sa DSWD, mikabat na sa 65 mil ang binipisyaryo sa 4P’s dinhi sa Misamis Oriental.
