Gihimakak sa 4th Infantry Division, Philippine Army ang gipakatag nga taho sa New Peoples Army – North Cental Mindanao Region nga adunay 13 ka patay samtang 10 ang samdan ka sundalo sa engkwentro niini sa NPA karong bulana sa Nobyembre.
Una ninii, sa interview sa RMN DXMB Malaybalay ngadto kang Ka Malem Mabini, ang tigpamaba sa NPA-NCMR gibutyag niini nga madaugon nga nikontra ang ilang grupo sa mga operasiyon sa kasundaluhan sa Northern Mindanao ug Caraga Region nga nagresulta sa pagkapatay matud pa sa maong ihap sa mga sundalo ug nagresulta sa usa ka patay sa ilang habig.
Sa managbulag nga interview sa Straight to the Point ngadto kang Capt. Reggie Go, ang 4th Division Deputy Public Affairs, Chief sa 4th ID, gibutyag niini nga usa ka bakak ang maong taho nga gipakatag sa rebeldeng grupo.
Matud niya nga walay gikataho nga namatay sa ilang tropa.
Gidugang niya nga kung aduna may mamatay ila kining hatagan ug bili ang kinabuhi sa usa ka sundalo ug gihatagan nila ug pag-ila ang sakripisyo niini maong dili matago kung aduna may mamatay sa ilang hanay.
Sigun ni Cpt. Go nga klaro matud pa nga usa ka bakak ug tinumo-tumo lang ang mao nga gipakatag nga taho sa NPA.
