Napadpad sa isla sa Camiguin ang usa ka pamilya nga gikan sa Conanipa,
Surigao Del Norte, human nga mabungkag ang gisakyan niining pumpboat.
Naila ang mga biktima nga sila si Sahari Barani, 37 anyos, Ermina Barani 33
anyos, Normena Barani, dose anyos, Malci Barani, sais anyos, Ernisa
Barani, tres anyos, ug Eltina Barani, usa ka tuig kinsa gisakay sa usa ka
icebox.
Matud ni Kapitan Toping Rodriguez sa Catarman, Camiguin Province, nga gikan
sa Leyte ang pamilya kay mibisita sa ilang paryente, apan dihang pauli na
unta kini sa Surigao, nabungkag ang gisakyan niining baruto tungod sa
kadako sa balud sa kadagatan.
Dugang pa ni Kapitan Rodriguez nga gitawagan usab siya sa coastguard aron
ipahibalo kaniya, nga ang singko anyos ug sais anyos nga mga bata, apil na
ang usa ka 60 anyos nga kauban sa pamilya ang na rescue sa Tagoloan Misamis
Oriental.
Samtang ipa-check pa ni Kapitan Rodriguez ang unom ka mga biktima nga anaa
sa iyang barangay.
Kini human nga gipanghilantan ang mga bata, ug dili mabuka ang mata sa
inahan tungod sa kaparat sa tubig dagat.
Nasayran nga naandan na sa pamilya nga magsakay og bangka, sa matag bisita
niini sa ilang mga paryente sa Leyte.
