General Santos City—Patay nang nakaplagan sa iyang apuhan ang usa ka 14 anyos nga dalagita samtang nag bitay sulod sa lawak niini sa ilang balay sa may Sitio Toning, Barangay Lagao Gensan alas 6:00 ang takna sa gabie kagahapong adlawa, Agust 30, 2018.
Biktima itago lang sa pangalang alias Jessa, 14, residenti sa nasangpit nga lugar.
Sumala sa apuhan sa bata nga si Alejandra nga pag-abot niya gikan nangahoy, iyang gipangita ang iyang duha ka mga apo. Ang apo lang niining si Dodong nga nag edad ug 6 anyos ang iyang nakit-an apan wala si Alias Jessa.
Iyang gipangita sa balay sa iyang mga anak apan wala gyud niya kini hikaplagi mao iya kining giadto sa ilang balay.
Iyang gisuta sa lawak sa iyang apo apan nakapodlock kini maong iya pang gipangita ang susi. Nakugang ang nasangpit dihang pag abli niini nagbitay na ang iyang apo ug wala nay kinabuhi. Ila pang gidala sa ospital apan gideklara kining dead on arrival.
Sumala sa apohan nga siya nagduda nga gituyo ug patay ang iyang apo tungod iyang gibasehan ngayong sa gawas sa kwarto ang podlock sa pultahan inay sa sulod. Nangkatag usab ang gamit sulod sa kwarto sa biktima timailhan nga adunay nahitabong kumusyon.
Sa karon gipaimbistigahan na sa pamilya ang insidenti aron nga kumperma kung naghikog ba gyud o gituyo ug patay ang nasangpit nga biktima.
