General Santos City–Gibutyag ni SPO2 Jose Simbrano, Traffic Investigator sa Traffic Management Unit (TMU) nga buot paimbistigahan sa pamilya sa biktimang namatay nga si Reymart Reymundo nga taga Purok San Vicente, Barangay San Isidro, Gensan ang nahitabo sa biktima human dili sila mutuo nga nabangga kini sa gutter sa barangay City Heights.
Nasayran nga una nang nahidangat sa buhatan sa TMU ang pamilya ni Reymart diin ilang gipadayag ang ilang pagduda.
Pagtuo sa mga nahisgutan nga wala namatay sa disgrasya ang biktima inay biktima kini sa pagpamunal human nga samad nga naangkon niini ang anaa sa iyang tangkugo.
Dugang pagbutyag ni SPO2 Simbrano nga gikatakda silang magpahigayon subli ug imbistigasyon.
Ilang sayron matud pa kung may puruhan ang duda sa pamilya sa biktima o sakto ang nauna na nilang imbistigasyon nga nabangga kini sa gutter mao mga nakabsan ug kinabuhi.
Nasayran nga sa karon dili na ma-contact pa ang mga nagdala sa biktima ngadto sa hospital mao nga nadugangan ang mga Pagduda ang pamilya.
