General Santos City—Gipaabot nalang karon sa kapolisan sa Glan ang pamilya sa motoristang nabanggaan patay nga naila sa pangalang Michael Dagsa, 38 anyos, residente sa may Barangay Rio Del Pilar sa nasampit nga munisipyo aron sayron kong kini ba mo-file ug kaso ngadto na sa drayber sa kotse nga mibangga sa biktima.
Kahinumduman nga bandang ala 1:35 sa hapon una nang nagmaniho sa iyang single nga motorsiklo ang biktima kauban ang duha pa ka mga biktima nga silang Norma Dagsa, 55 anyos, lumolopyo sa may barangay Small Margus ug Evangeline Genosas, 52 anyos, residente sa may Rio Del Pilar apan paghidangat sa may barangay Taluya, kalit lang mibabag ang kotse gimanihuan sa usa ka Norbe Flores hingkod ang panuigon, lumolopyo sa barangay Dajay, Surallah South Cotabato, nga miresulta sa pagbangga sa mga biktima ngadto sa sign board sa DPWH nga merisulta sa kamatayon sa nahisgutan .
Kahibaluan nga dead on arrival sa Diagan hospital ang biktima samtang ang duha ka mga back rider ang anaa na usab sa luwas nga kahimtang . ( *Ray Sabillo* )
