General Santos City—mireklamo sa RMN Gensan News Team sa pagpanguna ni Radyoman Jordan Britos ang usa ka Cristino Ascenia, legal age, residenti sa Yanson Vill, Barangay Lagao Gensan human kining gikawatan sulod mismo sa compound sa Dr. Jorge Royeca Hospital.
Subay sa sumbong sa biktima nga gikawat sa wala mailhing suspek ang bag sa iyang anak nga si Jo samtang natulog sa plaza nga bahin sa maong ospital. Nasayran nga niadtong higayuna nag puli-puli sila ug bantay sa ilang pasyenti nga naadmitar sa maong balay tambalanan.
Unang natulog ang iyang anak sa plaza samtang ang bag niini iyang gibutang sa iyang kilid. Human sa pila ka minutos namatikdan nalang sa mga nahisgutan nga wagtang na ang bag nga dunay sulod nga cellphone, importanteng dukumento ug kwarta nga P8,000.00 nga ibayad unta sa hospital bill sa ilang pasyenti.
Tungod niini kadismaya ang gimati sa reklamante tungod nadungagan na hinuon ang ilang problema human gikawat ang ilang kwarta, nasayran nga anaa sa kritikal nga kondisyon ang ilang pasyenti gumikan sa balatian nga Diabetes. Sa karon gireport na sa nasangpit ang nahitabo ngadto sa kapulisan.
