Nagalaum ang pamilya ni Bart Maravilla, isa sa mga katapo sang media nga napatay sa natabo nga Maguindanao massacre nga mangin paborable sa mga biktima sang krimen ang pamatbat nga igapapanaug sang korte sini nga adlaw.
Si Bart Maravilla ang isa ka tumandok sang Bacolod City kag katapo sang media sa Koronadal sang natabo ang massacre sadtong November 23 2009.
Suno sa iya utod nga si Teresita, residente sang Purok Jalandon, Brgy. 6, ginpadamgo siya ni Bart sang nagligadn ga gab-i kon diin “nagapanga-raykay” ini sang iya tiil kag ini ang ila ginapatihan nga patimaan sang matabo sini nga adlaw.
Pahayag naman sang isa pa sa utod ni Bart nga si Fernando nga tubtub subong indi malipod nga nagabatyag sila gihapon sang kainit sa nadangtan sang ila manghod bangud sobra-sobra ang pamaagi nga pagpatay sa iya.
Siling ni Fernando kon may silot lang nga kamatayon amo gid sini ang luyag nila nga mapamatbat sa mga akusado.
[image: image.png]
