Davao City – Nangayo og dispensa ang pamilyang Albarico ngadto sa publiko lakip ang mga tigbalita kalabutan sa pag-angkon sa patayng lawas sa usa ka babae nga gi-chop-chop ug gituohan nga sakop sa ilang pamilya.
Sa pakighinabi sa DXDC RMN Davao ngadto kang Sopriano Albarico, miingon kini nga wa siya nagduha-duha og claim sa patayng lawas gumikan kay kamay-on sa nawong sa iyang anak si Margie ang maong babae nga napalgan sa otoridad.
Sumala ni Albarico nga kung wala niya gi-claim ang maong patayng lawas posible nga dili niya makita dayon ang iyang anak nga lima na ka adlaw na nga nawala sukad niadtong pitsa 26 sa bulan sa Hulyo human nilakaw sa ilang pinuy-anan.
Gipaabot usab ni Albarico ang pagpasalamat ngadto sa mga tao nga nakakita ug mihatod sa iyang anak sa presinto sa kapolisan sa ComVal Province.
RadyoMaN Don Pulayao
