Davao City – Gipaklaro sa pamilyang Espinosa nga walay kalabutan sa Bragas rape-slay case ang ilang anak nga si Kenth Laurence Espinosa, Grade 10 student, human nga gidagit sa tulo ka wala mailhing suspek niadtong adlaw’ng Sabado alas 3:00 sa hapon Mayo 27, 2023.
Sa interbyu sa DXDC RMN Davao kang Brenda Lyn Espinosa, inahan sa biktima, gibutya niini nga inosente ang iyang anak og ilang gibarugan nga walay kalambigitan sa nahitabo sa pagpatay kang Architect Vlanche Marie Bragas.
Segun ni Espinosa, sa wa pa nahitabo ang pagkidnap sa iyang anak aduna kini ka chat nga si Dennis Roy Panzan ug giingnan kini tagaan siya og rabbit. Sa dihang nagkita sila sa Purok 1 sa Brgy.Lacson didto nahitabo na ang pagdagit sa iyang anak sa tulo ka wa mailhing suspek nga naka bonnet.
Nanawagan karon ang pamilyang Espinosa ngadto sa kapulisan sa Calinan nga makita ug luwas ang ilang anak human kini na missing og mag-upat na ka adlaw sukad nahitabo ang pagkidnap sa biktima.
RadyoMaN Don Pulayao
Facebook Comments
