Davao City – Kasong paglapas sa Republic Act 9165 (Comprehensive Dangerous Drugs Act of 2002) ang atubangon sa usa ka lalaki nga nadakpan atol sa gikasang buy-bust operation sa Purok 5, Upper Tagawisan, Barangay Badas, Mati City, Davao Oriental alas 5:41 sa hapon, Mayo 29, 2023.
Sa interview sa DXDC RMN Davao kang Police Lieutenant Colonel Ernesto Gregore, Chief of Police sa Mati City Police Station, giila niini ang suspek nga si Erick Leporgo alyas Tata, 43 anyos ug residente sa nahisgutang lugar.
Nakuha sa dinakpan ang gituohang shabu nga mukantidad og P20,400.
Ang suspek usa ka reformed person nga migamit og droga nga gipailawom sa rehabilitation apan kini mibalik sa iyahang bisyo.
“Bisyo gyud (ang hinungdan) kay daghan may nagtinarong na unya pila ra man pud ni kabuok ning mga nibalik nga walay mga tarong trabaho. Easy money pud unya syempre sa palibot nila ilang mga barkada mao ra gihapon ‘tong involved sa illegal drugs,” sulti sa police official.
RadyoMaN Kirby Manzon
Facebook Comments
