Comelec South Cotabato may pahanumdom sa mga botante para sa nagahilapit nga pagpiniliay.

I-shade sang maayo ang bilog sa pangalan sang kandidato sang mga nagkalain-lain nga posisyon agud nga indi masayang ang boto, ini ang pahanumdom ni Election Officer 3 Dorothy Losa sang Comelec South Cotabato sa nagahilapit nga Mayo 13 nga eleksyon.
Suno kay Losa ini tungod kon wala natarong sa pagshade ang balota indi pag-isipon sang Vote Counting Machine ang boto sa nagahilapit nga Mayo 13 midterm election.
Advice man sini sa mga botante nga indi pagsulatan sang bisan anuman ang linya sa balota tungod indi naman batunon sang VCM ang papel.
Samtang paagi sa ila ginapatigayon nga voters education nagalaum sila nga masunod sang mga botante ang nasambit nga polisiya para sa nagahilapit nga pagpiniliay.