Pamunuan sang Dep. Ed. South Cotabato nagpahanumdom sa polisiya angot sa pagpatigayon sang JS Prom.

Ginapahanumdom ni South Cotabato Schools Division Supt. Isagani dela Cruz ang mga manunudlo angot sa polisiya sa pagpatigayon sang Junior, Senior Prom agud nga malikawan suno pa ang anuman nga reklamo.
Suno kay Sir Dela Cruz, indi dapat mandatory ang pagtambong sa nasambit nga aktibidad sang estudyante, indi gamiton nga requirements, indi kabahin sa paghatag sang grado kag iban pa nga mangin mabug-at sa bahin sang mga estudyante subong man mga ginikanan.
Ginpahayag man sang Dep.Ed. opisyal kinahanglan nga magpangayo sang permiso ang mga eskwelahan sa district ukon division angot sa pagpatuman sang JS Prom.
Ginkumpirmar niya man nga sa subong may nabaton na sila nga request angot sa pagpatigayon sang JS Prom.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>