Mangin alerto kag magapabilin nga handa, ini ang advise sang pamunuan sang Office of the Civil Defense ukon OCD 12 sa mga pumuluyo tungod sa masami nga paglinog kag dugangan pa nga panahon sang tig-ululan nga balantayan ang pagbaha kag landslide.
May-angot sini, suno kay OCD 12 Assistant Regional Director Jerome Barangco ginakabig nila nga risky ang bulan sang Hulyo amo nga gindeklarar ini nga National Disaster Resilience Month.
Ginarekomendar man sa mga school officials kag mga government offices nga mag-organize sang disaster committee kag magpatigayon sang earthquake drill agud nga mangin preparado sa tion sang kalamidad.
Dapat man suno pa nga may-yara sang naplastar nga disaster contingency plan ang mga BDRRM Committee.
Ginsiguro man ni Barangco nga handa ang ila nga ahensya sa pagbulig sa komunidad paagi sa pagpatigayon sang disaster training.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
