Ginapahanumdom sang pamunuan sang Office of the Civil Defense ukon OCD 12 ang katawhan nga likawan ang pagpanic sa tion sang linog agud malikawan ang disgrasya kag ipabilin ang kahandaan batok sa anuman nga kalamidad.
Ini matapos nga naglab-ot sa 16 ka indibidwal ang nakaangkon sang minor injuries sa nagluntad nga 6.3 magnitude nga linog sang Dominggo sang udto base sa nabaton nga report sang Office of the Civil Defense halin sa mga local disaster risk reduction and management office sa rehiyon dose.
Suno kay OCD 12 Information Officer Joriemae Balmediano kadam-an sa mga biktima ang halin sa Cotabato Province partikular na sa banwa sang Makilala, M`lang kag Kidapawan nga posible tungod sa pagpanic sang mga ini sang nagluntad ang linog.
Samtang yara naman sa 21 ka mga balay ang nakitaan sang damage lakip na ang duha nga totally damage sa bahin sang Kabacan kag M`lang sa nagluntad nga pag-uyog.
Pahayag naman ni Balmediano nga madasig naman nga nagrespondir kag patigayon sang damage assessment ang mga LDRRMO sa rehiyon.
