Pamunuan sang PDRRMO sa South Cotabato ginahingyo sa mga pumuluyo ang padayon nga pag-alerto, nabatyagan nga linog indi ibalewala.

Magapabilin nga alerto, ini ang panugyan ni PDRRM Officer In charge Rolly Aquino sa mga pumuluyo dire sa probinsya tungod padayon sa gihapon nga nabatyagan ang pag-uyog kag insidente sang pagpasigabong sa kaiping nga probinsya.

Suno kay Aquino makapaayo nga mangin preparado sa tanan nga tion kag indi ibalewala ang nabatyagan nga linog tungod indi mahibaluan kon may-yara pa sang magtupa nga mabaskog nga pag-uyog.

May-angot sini, suno sa iya nagapabilin nga bienti kwatro oras nga nakamonitor ang operations center sang PDRRMO South Cotabato sa posible disaster nga matabo lakip na ang sa seguridad sa probinsya.