Ginpaklaro ni South Cotabato Schools Division Supt. Isagani dela Cruz sa atubangan sang mga opisyal sang probinsya ang angot sa polisiya sang Department of Education angot sa pag-imbitar sang mga lokal nga opisyal sa graduation ceremony sang mga pampubliko sa eskwelahan.
Suno kay Sir Dela Cruz ginatindugan sang Dep. Ed. nga sarang sila makaimbitar ukon makatambong ang lokal nga opisyal sa graduation, apang ang mensahe ang magasentro lamang sa mga maggraduate nga kabataan.
Ini matapos nga ginshare niya ang naagyan sa Saranggani Province nga gin-akigan sila nga kon may kinahanglan suno pa ang division nagapalapit sa lgu, apang kon sa panahon sang graduation indi sila imbitaron.
Apang ginpasalamatan niya suno pa nga wala sang problema sa mga lokal nga opisyal sa South Cotabato, matapos nga nagpahayag naman si Governor Daisy Avance Fuentes nga indi na lang sila imbitaron tungod magaumpisa naman sa Marso 29 ang campaign period.
Nahibaluan nga ang moving kag graduation ceremony sa mga pampubliko nga eskwelahan ang magaumpisa sa Abril 1 tubtob Abril 5 subong nga tuig.
