Nagpaggwa na sang kamanduan ang Commission on Elections angot sa pagpatuman sang reassignment sang mga election officers dire sa probinsya sang South Cotabato nga nag-epektibo na.
Apang suno kay Atty. Duque Kadatuan, Provincial Election Supervisor sang South Cotabato ang EO sang Koronadal City, T`boli, Lake Sebu kag General Santos City ang nagapabilin sa ila nga area of responsibility.
Ang mga naapektuhan lamang sang reassignment ang mga election officers sang Banga, Surallah, Tampakan, Polomolok, Tantangan, Tupi, Norala kag Sto. Niño.
Base sa kamanduan ang EO sang Tantangan nga si Maam Consuelo Barnuevo ang sa banwa na sang Sto. Niño, Banga EO Nida Caños ang nasaylo sa banwa sang Tupi, halin sa banwa sang Tupi nabalhin si EO Sharon Hamid sa banwa sang Alabel, Saranggani Province, si EO Ma. Dorothy Losa sang Tampakan nabalhin sa banwa sang Banga, si EO Nerissa Luma sang Norala, nasaylo naman sa banwa sang Tampakan, halin sa banwa sang Sto. Niño ang bag-o nga assignment ni EO Lea Morales sa Surallah na, nabalhin naman sa Glan, Saranggani, Province si EO Anwar Paidumama sang Polomolok kag nasaylo naman sa banwa sang Norala si EO Emilie Tedera sang Surallah.
Ang nasambit nga tikang sang komisyon ang kabahin sang nagahilapit nga Mayo 13 nga eleksyon.
