Nagpalab-ot sang hugot nga suporta ang South Cotabato Division Office para sa May 13 midterm election sa ginpatigayon nga Provincial Security Joint Conference sang Comelec South Cotabato.
May-angot sini, suno kay South Cotabato Schools Division Supt. Isagani dela nagpatigayon sila sang caravan agud nga ipabalo sa mga manunudlo nga magaserbi sa nagahilapit nga pagpiniliay ang ila nga responsibilidad kag salabton.
Kabahin man sang ila nga suporta magatukod man sang election task force ang South Cotabato Division Office agud nga magamonitor sa sitwasyon kag gilayon nga makaaksyon sa tion nga may problema ang mga manunudlo nga magaserbi sa Mayo 13 nga eleksyon.
Samtang nagalaum ang iya pamunuan suno kay Sir Dela Cruz nga masiguro ang seguridad sang mga manunudlo nga magaserbi sa nagahilapit nga pagpiniliay.
