Panagbangga sa motor ug taxi, usa, patay

28
PC: RadyoMaN Jonathan Bullo

Patay ang usa ka lalaki human mabangga ang gisakyang motorsiklo sa katabo niining taxi sa Coastal Road, barangay Gusa ning syudad mga alas 7:20 kagahapon sa buntag.

 

Ang biktimang si Ramil Matin-aw, 23 anyos ug taga Zone 6, Igpit, Opol, Misamis Oriental ang nakaangkon og samad sa lain-laing bahin sa lawas.

 

Samtang, detinado karon sa Agora Police Station ang taxi driver nga si Reynaldo Pellejera, 51 anyos, minyo ug taga Mauswagon, Laguindingan, Misamis Oriental.

 

Base sa report nga kusog ang dagan sa motorsiklo ug wala na niini nabantayan ang kasugat nga taxi.

 

Ang patayng lawas sa biktima ang naa karon sa Bollozos Funeral Parlor.

Facebook Comments