KABANKALAN CITY, NEGROS OCCIDENTAL – Nagapanawagan karon ang iloy sang biktima sang pagpangluthag sa suspek nga magpakita sa utoridad kag sabton ang krimen nga iya nahimo.
Ang biktima nakilala kay Romeo Moreno Jr., 26 anyos ang edad, pumuluyo sang Brgy. Rizal, Pontevedra, driver sang truck nga nagakarga tubo kag iya pakaisa nga nasalabat sang pagtiro ginkilala naman kay John Lloyd Taala, 15 anyos, naga serbe helper ni Moreno.
Base sa imbestigasyon sang Kabankalan City Police Station, natabo ang insidente pasado las 7 kagab-i sa gwa sang isa ka sugar central sa Kabankalan.
May natabo nga paglinalisay tubtub naglab-ot sa punto nga gintiro sang suspek ang biktima kag naigo ini sa iya mata nga naglapos sa guya.
Nasalabat naman diri ang pakaisa sang biktima nga naigo naman sa idalum sang iya ilok.
Sa karon nagapanawagan ang iloy sang biktima nga si Evelyn sa suspek nga magsungka na para mahatagan hustisya ang natabo sa iya bata nga padayon karon ginabulong sa Corazon Locsin Montelibano Memorial Regional Hospital./ In photo is Mrs. Evelyn Moreno/Ricky Filoteo/RMN
