Panday-nasunog, ospital

10

General Santos City–Nagpabiling gipailawom sa Obserbasyon ang biktimang si Rosebert Limboco, 36 anyos nga taga barangay Tamban, Malungon, Sarangani Province kansa una nang nasunog gumikan matud pa sa blue torch nga gigamit niini sa paggama ug gambalay.

Pahayag ni Barangay Malandag, Kagawad Reynaldo Baylon alas 7:00 sa gabie dihang nahitabo ang insidenti pipila ka metros ang gilay-on sa panimalay niini.

Nasayran nga nagpanday matud pa ang biktima sa rest house nga gipanag-iyahan ni Baylon.

Dugang pagbutyag sa opisyal nga subay sa sulti kaniya sa mga nakakita nga nadaot matud pa ang gigamit nga blue torch sa biktima.

Iya kining giayo pinaagi sa paghaw-as sa unod niini nga gasolina dayon iya kining gikubi kubi.

Pila ka segundos ang nakalabay, kalit lang nga mibuga ug kalayo ang maong himan nga maoy nisunog sa kalawasan ug sa nawong sa nasangpit. Gilayon kining gidala sa ospitala ron nga mapailawom sa medikasyon.

Facebook Comments