Panday natigbasan sa silingan

185

Dipolog City, Zamboanga del Norte – TUNGOD sa bikil sa inum usa ka panday ang natigbasan sa silingan diha sa Purok Naga, Barangay Minaog, Dakbayan sa Dipolog niadtong merkules sa alas 7:00 sa gabii.


Ang biktima mao si Alexander Pandan Jamolod, 43 anyos, usa ka mason panday, nagpuyo sa maong lugar, kinsa nakaangkon og duha samad tinigbasan sa iyang ulo igon man bukobuko human gitigbas sa silingang nga si Esmael Bicoy Imbong, 49 anyos ug usa usab ka construction worker.

Migawas sa imbistigasyon sa kapolisan, ang duha naginum pa sa Melvin Eting sari sari store sa dapit human gihatod sa suspek ang biktima sa panimaly niini diin nagkadungan pa ug panihapon dayon nagtiwas sa ilang inum.

Pipila ka minutos sa ilang tagay tagay ang duha kalit nagway nga niresulta sa sinumbagay hinuon nauwang kini sa kapuyo sa biktima.

Gumikan niini gikatahong miuli ang suspek sa ilang balay ug pagbalik dunay dalang sundang ug kutsilyo.

Ang biktima nakabantay diha sa gawas nidasmag ug nakiglayog apan gilupig kini, maong natigbasan sa pinote hangtud nawadan sa panimuot.

Ang biktima daling gidala sa zamboanga del norte medical centar ug kasamtangan pa king giobserbahan ang kahimtang sa nagatiman doktor.




Samtang ang suspek nadakpan sa hot pursuit operation sa kapolisan ug ilang gidala sa Corazon c Aquino hospital dihang nasamdam usab ang walang bukton ug suwang.

Sa karon anaa na kini sa prisohan sa Dipolog City Police Station, lakip ang gigamit nga 22 polgadas sundang.

Kasong attempted murder ang gikatakdang atubangon na unya sa dinakpan.

Facebook Comments