Nagpagwa sang memorandum order ang alkalde sang banwa sang Murcia, Negros Occidental nga temporaryo anay nga indi pagpahanugutan ang mga naga-bulante nga pangayaw (outsider) sa ila market day nga amo ang adlaw sang Domingo.
Suno kay Mayor Jerry Rojas nga ini ang ila nahuman matapos nga nagsapol ang mga katapo sang konseho sang banwa kag mga department heads bilang kabahin sang precautionary measure batuk sa COVID-19.
Pahayag sang alkalde nga pinaagi sa pagdumili sa mga bulantero nga pangayaw, malikawan ang pagdugok sang mas madamo pa nga tawo.
Ini ang himuon sang banwa pinaagi sa pag-check sang ila mga personnel sa mga naga-bulante sa diin ang mga pangayaw ang identified na sang mga collector sang arkabala sa merkado.
Facebook Comments
