Tapaz, Capiz- Pilason ang 23-anyos nga construction worker matapos nga ginbuno sang mismo upod sini sa trabaho alas 12:45 sang kaaganhon.
Suno sa imbestigasyon sang kapulisan, ang text message sa suspek nga si Joemar dela Cruz halin sa live-in partner sang biktima nga si Celso Dile Jr. y Once ang rason sang amo nga insidente.
Nahibaluan nga una ginsumbag sang biktima ang suspek sang wala sini ginpakita ang mensahe nga kuntani para sa iya rason nga ang mga ini ang nagpukotay.
Makapila ka beses sila nga gintambagan sang mga katapo sang CVO. Sang ulihi nakakuha sang kutsilyo ang suspek kag ginbuno si Celso Dile Jr. nga na-igo sa tuo nga porsiyon sang iya tiyan.
Suno sa mga kapulisan, lunsay ang mga ini nga naghalin sa binaylehan.
Ang mga ini ang lunsay residente sang Brgy. Ondoy Ivisan kag naga-obra lamang sang eskwelahan sa Sitio Tugbongan Brgy. Wright Tapaz.
Gindangat sa Western Visayas Medical Center sa siyudad sang Iloilo ang biktima samtang nadakpan sang mga otoridad ang suspek nga sa subong ang nakahunong na sa Tapaz PNP.
